Lung Awng

Asia Minor rammi Khrihfa Tlangval Timote hi a pa cu Greek mi a si i a nu cu Judah mi a si. Paul cu phung chim i a vah lengmang nakah khan hi pa hi Paul hawikom ah a cang i a hawi kom lawng si loin a rian tuan hawi a hung si. Paul nih Timote ca a kuatmi pakhatnak chungah hin thil biapi a simi pathum kan hmu: Khrihfa bu chung i cawnpiaknak a hman lomi kong. Hi  cawnpiaknak cu Judah mi ruahnak le Jentail mi ruahnak aa cawhmi a si i hi kan vawlei hi a tha hrimhrim lomi vawlei a si i cucaahcun Khamhnak hmuh khawhnak ding caah hin hawi hngalh lomi biathli hngalh le ngeih a herh i cu pinah ei le din kawng zawngah i sum i nupi thit le va ngeih zong ngeih lo ding le thit lo ding a si,ti a si. Hi cawnpiaknak a hmaan lo ning kha Paul nihhin fiang tein Timote sinah khan a langhter. (2) Khrihfabu chung rian tuan ning le Pathian biak ning le Khrihfa upa le hruaitu hna nih zeibantuk ziaza dah an ngeih awk a si tikha a si.  (3) Timote cu Jesuh zummi bu dangdang cungah kh...

Jerusalem khua kha an hei naih cang; Oliv Tlang i a ummi Bethfeih khua kha an phak in Jesuh nih a zultu pahnih kha hmaiah a hei thlah hna i, “Nan hmai khua ah khan rak kal u law laa pakhat aa hrengmi nan hmuh lai i cu laa sinah cun a fate kha a um lai. Cun nan phawih hna lai i ka sinah nan ratpi hna lai. Mi nih zeimaw tiin an in ti hna ahcun, ‘Kan Bawipa nih a herh,’ tiah nan ti ko hna lai i an in lakter ko hna lai,” tiah a ti. Cucaah a zultu kha hmaiah cun an rak kal i Jesuh nih a chimh hna bang khan an tuah. Laa le a fate kha an ratpi hna i an puan kha an danh hna i Jesuh cu aa cit. Mi tampi nih an puan cu lam ah khan an phah hna i a cheu nih thingnge kha an sam hna i lam ah cun an phah ve hna. A hmai i a kalmi hna le a hnu in a zulmi hna cu an bu ning piin an au i, “David Fapa cu thangòhat ko u! Bawipa min in a rami cu Pathian nih thluachuah pe ko seh, Pathian cu thangòhat ko u,” tiah an ti. Jerusalem khua chungah an va luh tikah a khuapi in an i tuai i, “Hi pa h...

Kalvary tlangah, a sung lawi thisen, Vailamtah cungin a luang, Mi sual bikmi, Kei mah ca'h a si, Khamhtu Bawi hnak chungin a luang e.... {A sunglawi thisen, a lung kei caah, Bawipa lung lawmh tertu a si, A sung lawi thisen, A luang kei caah, Ka sualnak thian tertu a si..} 2 Ka sualnak hna cu, sen lar bang senin, Sen duk bang sen hmanhsehlaw, Tu hmul bang le, hawrhanak rangin, Khrih thisen, Sung nih a tawl dih cang..... San tlai lomi sual, Mi palh si hmanh ning, Jesuh Khrih thisen thawngin, Ngeih thiamnak le, Din felnak ka hmu, Bawipa min, Thangtthat in ka au ee....  Job Liancin Thawng

Thlantlang peng khua vialte lak ahhin, Lungzarh, Leitak, Thlantlang le Tlangrua khua hi khuahlun bik an si i an tlak kum zawng hi an i khat nawn cio tiah ruah a si. Hakha pengah Cinkhua le Hmaikhah khua karah khin Rualhleng phun hna cu an rak um i, Thor nih an tthio hna caah an ttio tthan. Cu khua Rop cu a tu tiang a um rih i, "Rualhleng khua rop tiah an lan. Cu hna pawl cu an ttio hnuah Hakha khua chak Zaribual timi hmun hrawng le Nawinel hrawngah khin tlawmpal an rak um. Nawi tiva i "Rualhleng sum"timi zong khi cu lio hrawng i an um lio an nehnang a si. Cu hna cu Hakha hrawng zongah cun um thai loin nitlak lei ah an kal tthan i Mualcin le Tinhlawng umnak Hlawngzaang khua cu an hung phan ve. Asinain Hlawnching le Mualhluan le Tinhlawng nih Thlantlang khua tlak awk ah an i tthial lio ahhin an sinah kal ve loin nitlak leiah an lan tthan i, a tu Tlangrua khua khi an va tlak. Cu lio cu AD 1500 hrawng si dawh a si. Tlangrua khua ahcun Khilteeng nih cun an uk hna i...

Phailenzawl khua ah Hluan Sang nih a u Tio Hlei a thah caah cuka khua um cu an duh ti lo i, Mualzung khua ah kan i tthial lai an ti lio ahhin Mualhlun, Tinhlawng le Zinthoh pawl cu Mualzung ah kal loin Thihlum le Bawmlung pawl an i sawm hna i khua dang kan tla lai tiah Nithlalei ah an kal. Timit le Titta an hei hrawn hnu ah Vankhamtlang an hung liam i, atu Thlantlang le Tlangrua kar lakah khin Hlawngzang khua ( Tlangbo khua ti zongah an ti) an va tlak. Cuka i an um lio ahcun Khilteng phun le Rualhleng pawl hi Hlawngzang ahcun an va phan ve i hmun khat ah khua an sa tti. Hlawngzang khua ahcun an mah lawng saral runvennak ah a hna a ngam lo caah Phailenzawl ahcun an ra tthan i Hlawnching pa bawi ah an hung put. Hlawnching pa nih cun, "Asiahcun hi ka hi cu saral runvennak ah a hmunhma a that lo caah ralchan ah khin kan i thial lai," tiah a ti hna i Raciahva ral ahcun a tthial pi hna. Raciahva ral ahcun khua an hung sa i, Tlanglau Leitak pawl an rak um cia nak a si caa...

Laimi lairam i an hung kainak hi a tawinak in kan chim ah cun, Kalay nel rawn in Run tiva an vun hrawn i Run tiva thlanglei tlanghrawn in an hung kai hnu ah Tawk Khua le Simpi hmun ah khin an hung phan( Simpi khua cu a tu ahcun Locom khua ti a si cang) . Simpi khua ah sau nawn an um hnu ah Tiram ttha deuh kawl duhah an hung kai tthan i Lailun an phan. Lailun zongah cun sau um loin an hung lan tthan i Zotlang/Khuarua ah an hung um. Zotlang/Khuarua ah hin sau nawn khua an sa. Cuka zongah cun umlan loin an hun i tthial tthan i atu Thlanrawn khua hmun khi an hung phan. Halkha Thlantlang laimi hna cu hmunkhat teah an ra ko nain Thlanrawn khua hmun cun Khua tlak awk a ttha cang an ti caah a kakip ah an i tthen i, Chuncung, Phailenzawl, Zokhua, Sakta, Phaizawng, Cinkhua, Tiphul, Aive, Hranhring le Hniarlawn khua hna khi an tlak hna. Hi lio ahhin Cinzah pawl cu a cheu nitlak leiah an kal i Lungzarh khua an va tlak ve. Thlantlang peng khua vialte lakah hin tlak hmasa bik mi khua c...