Thlantlang Peng Khua Tlaknak Tuanbia||Job Liancin Thawng||
Simpi khua ah sau nawn an um hnu ah Tiram ttha deuh kawl duhah an hung kai tthan i Lailun an phan. Lailun zongah cun sau um loin an hung lan tthan i Zotlang/Khuarua ah an hung um. Zotlang/Khuarua ah hin sau nawn khua an sa. Cuka zongah cun umlan loin an hun i tthial tthan i atu Thlanrawn khua hmun khi an hung phan.
Halkha Thlantlang laimi hna cu hmunkhat teah an ra ko nain Thlanrawn khua hmun cun Khua tlak awk a ttha cang an ti caah a kakip ah an i tthen i, Chuncung, Phailenzawl, Zokhua, Sakta, Phaizawng, Cinkhua, Tiphul, Aive, Hranhring le Hniarlawn khua hna khi an tlak hna.
Hi lio ahhin Cinzah pawl cu a cheu nitlak leiah an kal i Lungzarh khua an va tlak ve.
Thlantlang peng khua vialte lakah hin tlak hmasa bik mi khua cu Leitak khua a si. Asinain Leitak khua a tlatu hi atu Leitak mi khi an si lo, Tlanglau Leitak miphun an si . Leimi pawl Simpi khua in Lairam ah kal an i timh lio ahhin Tlanglau Leitak le Bawm mi phun hna cu Lailun Zotlang ah kal ve loin nitlak leiah an lan thluamah i Leitak khua cu an hung tlak.
A tlatu hna cu Leitak miphun an si caah an tlak mi Khua cu Leitak Khua! tiah an ti. Cucaah cun Thlantlang peng khua vialte lakah tlak hmasabik mi Khua cu Leitak Khua a si i, a changtu ah Lungzarh Khua a si. Cu khawh cun Thlantlang le Tlangrua Khua an si.
Note: Lai Miphun Thawhkehnak Tuan Pu Chawn Kio Chung i Lakmi A Si.
Copy By: Job Liancin Thawng
Comments
Post a Comment