Hi ca ka ttial ahcun,zei na ka rel ti lailo ti cu ka theihko nain, Keimah bantukin ka nu hawi si ve hna hlah seh,ti ka duh caah ka ttial ko

 

Hotel khan ah kan pahnih in kan um tti duhsah tein ka hngawhah a ka hnamh,kan hmur aa ton ah khin, chikkhat um rih ka ti i, kan ngol. Ding tein a mitfang ka zoh bu khin,na ka duhtak maw tiah ka hal tthan, Didi kan duh caah pei hi ka tiang na sinah ka rat hi tiah a ka lehnak nih,zumhnak a ka ngeih ter.

Kan i hnamh pahin, ihkhun ahcun duhsah tein a ka thluk,a angki kep duh sahtein aa phoih pah,ka hngawng  cu duhsah tein a van hnamh tthan i,duhnak chungah kan pahnih in hmunhma lak kan i tim. Duhsah tein ka bawngbi phoih hram a thok, chikkhat ka ti i,ka kut nem tein a hmai ka tlaih. Na ka duh taktak ma tiah ka hal tthan.

Kan duhtuk ko,in duh hlah ninglaw hi tiang hi na cungah ka tuah ngam hngalo tiah a ka leh,sicun pakhatkhat tong ninglaw,ttuanvo na ka la kho lai ma tiah ka hal ta. Rak ka zum ko,kan duh bantukin zeipaoh tong u sihlaw, Keimah nih ttuanvo kan lak ko lai a ka ti tthan.

Didi ka caah timh cia na si cang maw tiah a ka hal mi nih ka thinlung a buai ter,aw ka ti lai maw?ka hngak rih ka ti lai hen tiah kaa ruat. Ka duh i ka dawtmi a si caah,a ka dawt tak ve ahcun,a caah zeipaoh kaa pe siang ve lai tiah Kei zong a caah timhcia in ka um ve,ka caah zumhtlak a si tak ko lai,tiah Keimah le Keimah ka lungchungin thazaang kaa pe,khua ka ruat.

Didi,ka caah timhcia na si rih lo cun kan hne lo, Sinain,ka caah timhcia na si ahcun,ka duhnak hi ka zul ve. ka dawt bikmi le ka duhmi na si caah hitiang tuah ding hi kan hal ngam,na ka duh tak ahcun, zeihmanh ttih hlah, kan dawt i zeipaoh si seh, ttuanvo kan lak ngam lai tiah,saupi kaa ruah dih hnu ah zeihmanh ttihnak nei loin hitiang hi tuah ka duhnak a si ko, cucaah cun na ka daw ve maw daw ve lo,na ka dawt tak ve ahcun,kan halmi hi tu voikhat te cu ka al ti hlah' a timi bia nih ka thinlung a hlauh.

Nusal ka duhmi cu zeidah i ruah len hau tiin,Lian, na caah timhcia ka si cang ko tiah ka leh. Cuti cun ka kam kaa seh i,ka mitthli he Suimilam pahnih chung caan kan hmang.

Caan a ruah hnu ahcun,kan i dawtnak tuanbia ah an cang thliahmah, Sinain ka pekmi ka dawtnak ruangah,a cungah zeibia hmanh chim nak nawl ka nei ti lo. Rak ka zumko,a timi bia cu ka caah lungfahnak petu lam an si,anih nihcun a ruat hmanh a ruat ti lai lo. Keimah lungfak in na ka tuah bantuk hin, Midang cu va tuah ve hna hlah ti pin cu,chim ding ka ngei ti lo. Cucaah' Dawtnak ruangah, Keimah bantukin na tuar venak hnga lo,Nu na si ahcun i ralring ve.

 Dingdipar hi Like&follow in ka bawm ve cun Share le comments in thazaang ka pe ve. kai lawm