Dawtmi He Tuah Tti Hrimhrim Dingmi Phun (5)

Minung si mi ah voikhat tal cu,duhmi, dawtmi an nei cio ko lai.

Sinain, a ruang ruangah,ai tthenmi,ai co kho lomi an um i, cutin nun chung,mah lawng um dingin bia khiahnak a tuahmi minung zong tampi an um ve ko.

Mah lawng nun chung um mi nakin, nikhatkhat ahcun pahnih khuasa tti dingin saduhthah nak a neimi tam deuh an um lai.

Zeiti si paohah,duhmi,dawtmi a nei dihmi kan si ko caah, kan dawtmi hna he hmunkhat caan kan hman tti lio ah zeidah kan tuah awk a si ti zoh tti hna u sih.

1. Na dawtmi he hmunkhat ah,caan saupi nan um zongah,caan tawi te nan um zongah,nan i dawtnak ah philh khawh lo dingmi cu, pakhat le pakhat caan i pe uh, zeitluk naa manh lo zongah,na dawtmi nih ton a duh caan,um tti a duh caan te ahcun,a si khawh chungin na caan pek i zuam,tachunhnak ah nihin tuah ding thil naa timh mi kha,na dawtmi nih tuni cu,na caan ka pe an ti ahcun,na rian kaltak in na caan tlawmpal te pe hmanh,cu nihcun ka dawtnih hin a ka dawtbak ko tiah na cungah lunghmuih nak a neih ter lai.

2.Hmunkhat ah rawlchuang tti,ei tti uh

Na dawtmi he dawr ah rawl nan ei tti ko lai nain,innah chuantti,ei tti ti bantuk nan hman rih lo ahcun,va tuah hmanh' inn ah nan pahnih in nan chuantti mi nan ei mi nih,nan i dawtnak a thuh ter pinah,cucu philh khawhti lomi ni le caan, zungzal theih pengmi tuanbia pakhat ah a rak cang te lai.

3. Khual tlawng ttin uh,mi cheukhat nihcun dawtmi he khual kal tti hi,zoh chia,thangchiat nak si tiah,an ttih",sinain aa daw taktak mi nihcun, hmunkhat teah khualtlawn tti hrimhrim ding a si,cu nihcun a ruangruang ah nan i hlat ah maw,nan i colo zongah nan pahnih caah,philh khawh a silomi nan tuanbia pakhat a si lai i, Chungkhar nan sertti zongah,nan pahnih in nan i lunghmuih mi tuanbia te ah a rak cang lai.

4. Thil i cawk piak u, dawtmi timi cu, thinlung in a ra i,kaa nih a chim i tuahsernak in a lang,mi pakhat kan dawt na ti ttung i, a caah zeihmanh na tuah ttung lo ahcun,cu dawtnak cu cohlan a har i,lunghrin awk a um mi dawtnak a si ko,cucaah na dawtmi caah thil manfakpi a si lo zongah,thil fate,man deng te a si zongah dawtnak in a caah cawk piak tuah piak i zuam ko,a ruang cu na tuah piakmi thilnak in,na tuahpiak duhnak thinlung kha na dawtmi caah a sunglawi bikmi dawtnak, Laksawng a si i, Nangmah philhlo nak le na dawtnak a ngan zia a hmuh khawh lai.nan i hlat hmanhah,a caah philh khawh lomi na dawtnak a si lai.

5. Na nu le na pa sinah,na dawt kong chim i zuam,na dawt sinah na nu le na pa sinah,na dawtnak kong na chimh ngam mi na chim tikah,cu tluk in na dawtmi caah theih a nuammi thil a um ti lai lo,na dawtmi nih na nu le na pa sinah,na dawtnak na chimh a theihmi nih,na dawtnak ah a zumhnak a feh ter deuh i,raltthatnak zong a pek,an dawtnak zong a sang chin lai. A ruang pakhatkhat ruangah nan i colo sual hmanh ah,a rak ka duhtak ko,a ka dawt nak kha Velhle silo,sunghno a nu le pa sin hmanhah pei a rak chim ngam kha tiah,na cungah lawmhnak a nei zungzal lai.

A cunglei bantukin na tuah khawh ahcun,nan i dawtnak ah i tthennak dinglam a um lai lo, tuah khawh le tuah khawh lo tucu,na dawttak le tak lo cungah,a um ko.

A hmunmi dawtnak a neitu si i zuam koh.