Zei Ruangah Dah Jesuh Hi Thihnak Phakter A Si ii, Zei Ruangah Dah Nunnak Ah Thawhter A Si

Jesuh cu thlarau a si hrimhrim lo,minung a si.Pa sin van a kai tiang zongah minung bak a si ko tihi Biakam thar cawnpiak ning a si lo.Zeiruang ahdah Jesuh hi thihnak phakter a si, ti le zeiruang ahdah thihnak in thawhter a si tihi fian hmasa a hau.ROM 4:25 "Amah cu kan sual ruangah thihnak phakter a si i Pathian he kan i remnak hnga dingah nunnak ah thawhter a si".Jesuh nih a minung sinak in Pathian he remnak a kan serpiak khawh lo caah kan sualnak vialte phorh in vailam ah a thihpi i nunnak i thawhter a sinak nih Pa Pathian he a kan remter.Hinih a fianter ngaimi cu Jesuh hi minung pum in a tho tthan lo,thlarau pum in a tho tthan cang tihi a si.Minung pum in tho tthan seh law kan sualnak vialte a thawhpi tthan dih hnga i Pa Pathian he kan i rem kho hnga lo.

KOLOS 1: 18 "Khrih cu fater,thihnak in thawhter hmasa bikmi kha a si,thihnak in thawhter a sinak cu zeizong vialte ah hin pakhatnak a si zungzal nakhnga caah a si".Jesuh hi a minung sinak in tho tthan seh law zeizong vialte ah hin pakhatnak a si zungzal kho hnga lo.Zeicahtiah cun minung a simi nih zeizong vialte ah hin pakhatnak si zungzal khawh a si lo.Thlarau pum in a thawh tthan caah zeizong vialte ah hin pakhatnak a si zungzalnak a si.

1.KORIN 15 42 "Mithi cu nunnak i thawhter an si tikah cun hi tihin a si lai;Pum cu vui a si tikah a thi khomi a si; thawhter a si tikah cun a thi kho ti lomi a si lai." Jesuh cu vawlei a um lio ah 100% minung a si caah a thi i a pum cu thlan ah vui in a um.Sihamnhsehlaw thawhter a si hnu cun thlarau pum a si cang i a thi kho ti lomi a si.

KORIN 15:44 Vui tikah vawlei pum a si, thawhter tikah thlarau pum a si lai.Jesuh cu an vui tikah vawlei pum a si,thawhter a si hnu cun thlarau pum a s cang tihi Bible ning a si.

Nangle kei zong thihnak in kan thawh tthan tikah thlarau pum in kan tho tthan te lai. I.THESALON 4 :16 -17 "Khrih zumh buin a rak timi kha nunnak ah thawhter an si hmasa lai i cu caan i a nung rihmi kan nih pawl cu khuadawm lakah khin Bawipa cu van i hung ton awkah pumh kan si dih lai.Cun Bawipa sinah cun zungzal in kan um lai". Jesuh a rak tthan tikah minung hi kan thi dih lai lo,nangle kei zong kan nunrih sual si cun khuadawm lakah khin Bawipa cu van i hung ton awkah pumh kan si ve lai.Cun Bawipa sinah cun zungzal kan um lai.Mahbelte kan minung sinak pum cun a si lai lo.Zeicahtiah cun minung pum in van kai ding si lo tihi Biakam thar umkal ning a si. Zeitindah a si ne lai?
1.Chikhatte ah kan i thleng dih lai .

2.Mit tthep ah kan i thleng dih lai.

3.A rawk khomi hi a rawk kho lomi in thuamh a si lai i a thi khomi hi thih khawh lonak in thuamh a si lai.

Thihnak in a thawh hnu ah rawl zong a ei ko,thlarau nih cun rawl a ei kho lo na ti.A hman ngaimi a lo, na fian ko nain na hrelh sualmi cu pum hi thlarau loin nun khawh a si lo tihi a si.


1. THESALON 5 : 23-24 "Daihnak a kan petu Pathian nih cun amah ta ah in ser hna seh law nan sining piin,nan thlarau he nan nunnak he nan pum he,kan Bawipa Jesuh rat ni ah cun,palhnak um loin, in chia hna seh.Nanmah an autu hna cu zumh awk tlak a si caah cucu a tuah lai". Jesuh hi vawlei a um lio ah 100% minung a si ve bantukin thihnakin thawhter a si tikah hin a thlarau lawng si loin a thlarau he a nunnak he a pum he a sining dihlakin thawhter a si. Cucaah cun dakaw rawl zong cu a ei fom cu.A thlarau pilawng tho ttha seh law thlarau nih cun zei rawl cu dah a ei thiam lai. Nangle keizong thihnak in kan thawh tthan tikah kan thlarar he kan nunnak he kan pum ningpi in kan tho ttha te lai i Pathian dum chung i nunnak thingthei kan ei ve te lai.( BIATHLAM 2:7).
Jesuh hi a minung sinakin Van ah Pa sin kai seh law thih hnu thawh tthannak kong i Paul cawnpiaknak vialte hi pakpalawng lawngte a si hnga.Zeicahtiah Jesuh cu vawlei ah 100% minung pei a si cu.Cucaah Jesuh a thawh tthan hnu i thlarau a si hrimhrim lo,minung a si timi hi ka zumh ning he ai kalh taktak. 

Note: David Thangen Comment mi copy mi a si. A tha tuk ka uar ngaimi bia a si caah ka copy.