THIANG THLARAU NAN HMUH LAI

"Nan ka dawt ahcun ka nawlbia kha nan zulh hna lai. Ka Pa kha ka hal lai i Bawmtu a dang, an pek hna lai i a zungzal in an umpi hna lai. 

Amah cu biatak phuangtu thlarau a si; vawlei nih cun a hmuh lo ca le a hngalh lo caah a cohlang kho lo; sihmanhsehlaw amah cu nan sinah a um i nan chung i a nun caah nannih nih cun nan hngalh. 

“Nanmahte lawngin kan kaltak hna lai lo; nan sinah ka ra kir òhan lai. Cu ni a phak tikah cun kei cu ka Pa chung i ka um le nan chung i ka um bantukin nannih zong ka chung i nan um kha nan hngalh lai. 

“Ka nawlbia kha a cohlang i a zulmi paoh cu keimah a ka dawmi an si. A ka dawmi cu ka Pa nih a dawt ve hna lai; kei zong nih ka dawt ve hna lai i an sinah kaa phuang lai,” tiah a ti. 

Jesuh nih cun, “A ka dawmi paoh nih cun ka bia kha an ngaih lai. Annih cu ka Pa nih a dawt hna lai i ka Pa le keimah cu kan ra lai i an sinah kan um lai. A ka daw lomi paoh nih ka bia kha an ngai lo. 

Ka chimmi bia nan theihmi hi keimah bia a si lo, a ka thlahtu ka Pa bia a si. sihmanhsehlaw ka Pa nih ka min in a run thlah laimi Bawmtu, Thiang Thlarau nih cun zeizong vialte kha an cawnpiak hna lai i kan chimhmi vialte hna kha nan lung an pemter hna lai. 

‘Kan kaltak hna lai, sihmanhsehlaw nan sinah ka ra òhan lai,’ ka ti pei nan theih ko kha. Nan ka dawt ahcun ka Pa sin i ka kal lai hi nan i lawm lai, zeicahtiah amah cu keimah nakin a ngan deuh. 

A si nain vawlei nih hin ka Pa ka dawt kha a hngalh khawh nakhnga ka Pa nih a ka fial bantukin ka tuah dih. “Tho u, kal u sih,” a ti hna.

Chirhchan Bible
JOHAN 14:15‭-‬18‭, ‬20‭-‬21‭, ‬23‭-‬24‭, ‬26‭, ‬28‭, ‬31