THANGZANG KHUA THAR TLAKNAK TUANBIA

THANGZANG KHUA THAR TLAKNAK 

Thangzang khua cu Zahnak Tlang khua 11 ah tlak hmasa cemmi khua hngir taktak mi khua a si lawng si loin khua luh chuahnak zawng hi Sihhmuh khua lei in cheng chia nih a chah pinah nichuah lei he nitlak lei he chengchia nih a kulh dih i Khua hmun van kauhnak le van Sersiamnakah tthan chonak lam a pit cang. 

Mahsahlah lio 1982 kumah Dr,Hmuh Thang nih hi khua hi ni khatkhat le kum khatkhat cu ai tthial te lai a rak ti. Hi khua ttamh cu kum 75 tarnu tarpa ttamh he ai lo a rak ti. Kum 23 a rauh hnuah khua kan tthial pi ko an ti i Khuapi meeting kan tuah. 

Sia Nau3 tla kan thah i a tlamtlin lo caah a vawi (2) nak meeting kan tuah tthan i vok sumh (6) kan thah tthan. Cu hnu zongah Biasiphai a um len rih caah a vawi (3) nak meeting kan tuah tthan i cu ahcun Sia le Vok kan thah than. 

Khuapi hna tlaknak (95%) a um hnu ah Khua cu kan tlakpi hna. Hi lio i rian tuan a ka Bawmtu hna cu a tang lei bantukin an si. 

Ni Uk

Van Peng

Hram Lian Thang

Lian Chawn

Hna hi an rak si. An mah he hin har ah hartti lawmhah lawmh tti in kan thazaang dih lak chuahin kan rak ttuan i hi ti hin Khua cu kan rak tthial pi hna. 

Khua Thar ah inn tung a dirh hmasa cem mi cu  Pu Ceu Hlei a si.  

Khua kilh lung kan chiah ni thla cu 24/01/2005 ni ah a si. 

Khua kilh lung a kan chiah piak tu Dr, Hmuh Thang nih a kan chiah piak. Khua kilh lung chiah lio ah Rev, Nawl Cung nih Khua Thar Hmun cu Pathian sinah a kan ap piak. 

Thangzang khua Thar tlatu cu Pu Lal Chum ka si. 

By: Job Liancin Thawng