Balaam Laa Nih Bia A Chim
Balaam Laa nih Bia A Chim
Laa pakhat nih bia a chimmi na thei bal maw? ‘Thei bal hlah, saram cu bia an chim kho lo,’ na ti ko lai. Sihmanhsehlaw Baibal nih cun bia a chimmi laa pakhat kong a chim. Zeitindah a rak si kan zoh hmanh lai.
Israel mi hna Kanaan ram chung i an luh lai te ah a rak si. Moab siangpahrang Balak cu Israel mi hna kha a rak ṭih ngai hna. Balak cu Zippor fapa a si.
Cucaah Israel mi hna kha chiatserh awk ah Balaam an ti mi mifim ngai pa pakhat kha a rak kawh. Balaam cu Beor fapa a si. Balak nih cun Balaam cu tangka tampi kan pek lai tiah bia a kam. Cucaah Balaam cu a laa cu aa cit i Balak sin ah cun a kal.
Pathian nih Amah a miphun chiatserh awk ah Balaam cu a duh piak lo. Cucaah vainam saupi pakhat he a vancungmi pakhat kha lam cung ah dir in Balaam kha kham awk ah a rak thlah.
Balaam nih cun vancungmi cu a hmu kho lo, asinain a laa nih cun a hmuh ko. Cucaah laa cu vancungmi kha hrial awk ah heh tiah aa rak i zuam i, a donghnak ah laa cu lam cung ah a rak bawk ko. Cutikah Balaam cu a thin a hung ngaingai i a laa cu fung pakhat in a tuk.
Cutikah Pathian nih Balaam a laa nih a sin ah bia a chimmi kha a theih ter. ‘Na ka tuk nak hnga caah na cung ah zeidah ka rak tuah cang?’ tiah laa nih cun a hal.
‘Mihrut bantuk ah na ka can ter cang, vainam rak i ken ning law kan thah ko cang hnga!’ tiah Balaam nih a leh.
‘Hi bantuk in na cung ah a hlan ah ka tuah bal maw?’ tiah laa nih a hal.
‘Tuah bal hlah,’ tiah Balaam nih a leh.
Cutik ah Pathian nih Balaam cu vainam he lam cung ah a dirmi vancungmi cu a hmuh ter. Vancungmi nihcun: ‘Zeicahdah na laa cu na tuk? Na lam kham awk ah ka ra cang, zeicahtiah Israel kha chiatserh ah na kal awk aa tlak lo nain na kal caah a si.
Na laa nih khan ka sin in rak pial hlah seh law, amah cu thah lo in nangmah tu kha kan thah cang hnga,’ tiah a ti.
Balaam nih: ‘Ka sual cang. Lam cung i na dir kha ka hngalh lo caah a si,’ tiah a ti.
Cuhnu ah vancungmi nih Balaam cu a thlah i, Balaam cu Balak sin ah cun a kal. Israel mi hna kha chiatserh awk ah aa zuam ṭhan ṭhiamṭhiam, sihmanhsehlaw Pathian nih voi thum tiang Israel mi cu thluachuah a pek ter lehlam hna.
Chirhchan
Nambar 21:21-35; 22:1-40; 23:1-30; 24:1-25.
Job Liancin Thawng
Laa pakhat nih bia a chimmi na thei bal maw? ‘Thei bal hlah, saram cu bia an chim kho lo,’ na ti ko lai. Sihmanhsehlaw Baibal nih cun bia a chimmi laa pakhat kong a chim. Zeitindah a rak si kan zoh hmanh lai.
Israel mi hna Kanaan ram chung i an luh lai te ah a rak si. Moab siangpahrang Balak cu Israel mi hna kha a rak ṭih ngai hna. Balak cu Zippor fapa a si.
Cucaah Israel mi hna kha chiatserh awk ah Balaam an ti mi mifim ngai pa pakhat kha a rak kawh. Balaam cu Beor fapa a si. Balak nih cun Balaam cu tangka tampi kan pek lai tiah bia a kam. Cucaah Balaam cu a laa cu aa cit i Balak sin ah cun a kal.
Pathian nih Amah a miphun chiatserh awk ah Balaam cu a duh piak lo. Cucaah vainam saupi pakhat he a vancungmi pakhat kha lam cung ah dir in Balaam kha kham awk ah a rak thlah.
Balaam nih cun vancungmi cu a hmu kho lo, asinain a laa nih cun a hmuh ko. Cucaah laa cu vancungmi kha hrial awk ah heh tiah aa rak i zuam i, a donghnak ah laa cu lam cung ah a rak bawk ko. Cutikah Balaam cu a thin a hung ngaingai i a laa cu fung pakhat in a tuk.
Cutikah Pathian nih Balaam a laa nih a sin ah bia a chimmi kha a theih ter. ‘Na ka tuk nak hnga caah na cung ah zeidah ka rak tuah cang?’ tiah laa nih cun a hal.
‘Mihrut bantuk ah na ka can ter cang, vainam rak i ken ning law kan thah ko cang hnga!’ tiah Balaam nih a leh.
‘Hi bantuk in na cung ah a hlan ah ka tuah bal maw?’ tiah laa nih a hal.
‘Tuah bal hlah,’ tiah Balaam nih a leh.
Cutik ah Pathian nih Balaam cu vainam he lam cung ah a dirmi vancungmi cu a hmuh ter. Vancungmi nihcun: ‘Zeicahdah na laa cu na tuk? Na lam kham awk ah ka ra cang, zeicahtiah Israel kha chiatserh ah na kal awk aa tlak lo nain na kal caah a si.
Na laa nih khan ka sin in rak pial hlah seh law, amah cu thah lo in nangmah tu kha kan thah cang hnga,’ tiah a ti.
Balaam nih: ‘Ka sual cang. Lam cung i na dir kha ka hngalh lo caah a si,’ tiah a ti.
Cuhnu ah vancungmi nih Balaam cu a thlah i, Balaam cu Balak sin ah cun a kal. Israel mi hna kha chiatserh awk ah aa zuam ṭhan ṭhiamṭhiam, sihmanhsehlaw Pathian nih voi thum tiang Israel mi cu thluachuah a pek ter lehlam hna.
Chirhchan
Nambar 21:21-35; 22:1-40; 23:1-30; 24:1-25.
Job Liancin Thawng
Comments
Post a Comment