GENESIS TUAN BIA||Genesis Ti A Sullam Cu| Hramthoknak|| Ti A Si Ko
GENESIS TUAN BIA
Genesis Ti Cu {Hramthoknak} Ti A Si Ko
Genesis ti hi a sullam cu “hramthawknak” ti asi. Genesis cauk nih hin Pathian nih van le vawlei vialte a ser hnanak kong le minung thawh kehnak le vawlei cungah sualnak le nganfahnak an i hramthawknak le Pathian nih zeitin dah minung cungah rian a ttuan tinak kong kha a chim.
Genesis hi tthen hnih ah tthen khoh a si.
1. Angan 1 in 11 tiang. Hi chungah hin vawlei sernak kong le minung phun kong kan hmuh. Hi chungah hin Adam le Evi kong te hna, Kain le Abel kong te hna, Noah le Buanchukcho kong te hna le Babel (Babilon) Innsang kong te hna kha an um.
2. Angan 12 in 50 tiang. Hi chungah hin Israel mi a hringsortu hna tuanbia kha kan hmuh. A hmasa bik cu Abraham a si i a mah cu Pathian a zumhnak le aa bochannak ah minthang a si. Cun a mah a hun zultu ahcun a Fapa Isak le Isak fapa Jakob, (Israel) ti zongah timi pa kong kha a si. Cun Jakob fapa hleihnih, Israel miphun hleihnih a hringsor tu hna kha an si. Cu dih cun cu hna lak i Josef kong kha tam khunin a hung um i a mah chan ahcun Israel le a tefa vialte kha Izipt ram ah khan an pem.
Hi cauk nih hin a chimmi cu minung kong si hmanh seh law aa tinh bikmi cu Pathian nih rian a ttuannak kong a si. Pathian nih zeizong vialte a ser dih hnanak kong khan aa thawk i Pathian nih a mi hna cu an zawn a ruah zungzal hna lai ti biakamnak in a dong.
Hi cauk chung ah hin a hram thawkin a donghnak tiang a biapi bikmi cu Pathian a si. Pathian nih tthat lonak a tuahmi hna an bia a ceih hna i dan a tatnak hna kong le a mi a hruainak hna kong le a bawmhnak hna le an tuanbia a sersiamning kha kan hmuh.
Hi cauk hi hlan lio pi i a rak ummi miphun pakhat an zumhnak kong le cu an zumhnak cu zeitin dah a nun tinak kong cinken zungzal nak ding caah a si.
Kai Lawm
Genesis Ti Cu {Hramthoknak} Ti A Si Ko
Genesis ti hi a sullam cu “hramthawknak” ti asi. Genesis cauk nih hin Pathian nih van le vawlei vialte a ser hnanak kong le minung thawh kehnak le vawlei cungah sualnak le nganfahnak an i hramthawknak le Pathian nih zeitin dah minung cungah rian a ttuan tinak kong kha a chim.
Genesis hi tthen hnih ah tthen khoh a si.
1. Angan 1 in 11 tiang. Hi chungah hin vawlei sernak kong le minung phun kong kan hmuh. Hi chungah hin Adam le Evi kong te hna, Kain le Abel kong te hna, Noah le Buanchukcho kong te hna le Babel (Babilon) Innsang kong te hna kha an um.
2. Angan 12 in 50 tiang. Hi chungah hin Israel mi a hringsortu hna tuanbia kha kan hmuh. A hmasa bik cu Abraham a si i a mah cu Pathian a zumhnak le aa bochannak ah minthang a si. Cun a mah a hun zultu ahcun a Fapa Isak le Isak fapa Jakob, (Israel) ti zongah timi pa kong kha a si. Cun Jakob fapa hleihnih, Israel miphun hleihnih a hringsor tu hna kha an si. Cu dih cun cu hna lak i Josef kong kha tam khunin a hung um i a mah chan ahcun Israel le a tefa vialte kha Izipt ram ah khan an pem.
Hi cauk nih hin a chimmi cu minung kong si hmanh seh law aa tinh bikmi cu Pathian nih rian a ttuannak kong a si. Pathian nih zeizong vialte a ser dih hnanak kong khan aa thawk i Pathian nih a mi hna cu an zawn a ruah zungzal hna lai ti biakamnak in a dong.
Hi cauk chung ah hin a hram thawkin a donghnak tiang a biapi bikmi cu Pathian a si. Pathian nih tthat lonak a tuahmi hna an bia a ceih hna i dan a tatnak hna kong le a mi a hruainak hna kong le a bawmhnak hna le an tuanbia a sersiamning kha kan hmuh.
Hi cauk hi hlan lio pi i a rak ummi miphun pakhat an zumhnak kong le cu an zumhnak cu zeitin dah a nun tinak kong cinken zungzal nak ding caah a si.
Kai Lawm
Copy; Job Liancin Thawng
Comments
Post a Comment